Sunday, November 24, 2013

എനിക്ക് ഇഷ്ടപ്പെട്ട സീറ്റ്

                   സമയം - 9:15 AM .
                   KSRTC  ലോ ഫ്ലോർ ബസ്‌ . ഓഫീസിലേക്കുള്ള യാത്ര .
                   അനദർ യൂശ്വൽ ഡേ .

                   ബസ്സിൻറെ   മുൻഭാഗത്തെ  തിരക്കിലേക്ക് കയറിനിന്നു കുറച്ചു നേരം കഴിഞ്ഞപ്പോൾ സ്റ്റോപ്പുകളിൽ  ഇറങ്ങുന്നവരുടെയും  കയറുന്നവരുടെയും  ഉന്തിലും  തള്ളിലും  പെട്ട് ഞാൻ പിൻഭാഗത്തേക്ക്  എത്തിക്കപ്പെട്ടു . ബസ്സിൻറെ താളത്തിൽ  ആടിയുലഞ്ഞു  അങ്ങനെ  അധികം നേരം  നില്ക്കേണ്ടി വന്നില്ല .തൊട്ടടുത്ത  സീറ്റിലെ  യാത്രക്കാരി  എഴുന്നേറ്റപ്പോൾ  ഞാൻ അവിടെ  ഇരിപ്പായി . പതിവുപോലെ   ജീവിതത്തിൻറെ  നൂലാമാലകൾ  കെട്ടഴിക്കാനുള്ള   ചിന്തകളിലേക്ക് വഴുതിവീഴാൻ തുടങ്ങുമ്പോഴാണ് ആ സംഭാഷണ ശകലം  കേൾക്കാനിടയായത് .

                   മധ്യവയസ്സും ഒരല്പ്പവും കടന്ന , ഒറ്റയ്ക്ക് യാത്ര ചെയ്യുന്ന , എൻറെ  അടുത്ത്  ജനാലയ്ക്കരികിൽ ഇരിക്കുന്ന സ്ത്രീ .ഫോണിൻറെ  അങ്ങേത്തലയ്ക്കൽ ഭർത്താവോ മക്കൾ ആരെങ്കിലുമോ ആയിരിക്കണം .              " ഉവ്വ് . കിട്ടി . എനിക്ക് ഏറ്റവും ഇഷ്ട്ടപ്പെട്ട സീറ്റ് തന്നെ ! " 

                   തിരക്കിനിടയിൽ  കിട്ടിയ സീറ്റ് , ജനാലയിലൂടെയുള്ള  കാറ്റ് , കാഴ്ചകൾ , ജീവിതത്തിലെ ചെറിയ സുഘങ്ങൾ - സംതൃപ്തിയുടെ ഒരു കുമിളയ്ക്കുള്ളിൽ ആ അമ്മയുടെ കണ്ണുകൾ പുഞ്ചിരിച്ചുകൊണ്ടേയിരുന്നു .ചിരാതിൻറെ  പ്രകാശം പോലെ അത് എൻറെ  മുഖത്തെയും പ്രസാദിപ്പിച്ചു . ആ കുമിള വളർന്നു എന്നെയും ആഗീരണം ചെയ്ത പോലെ . ഞാൻ ചുറ്റിലും കണ്ണോടിച്ചു . കാഴ്ച്ചകൾക്ക്  ഒന്നുകൂടി ഭംഗി വെച്ചിരിക്കുന്നു !

                   പിറകിൽ   ഒരു സീറ്റ് ഒഴിഞ്ഞപ്പോൾ  അവിടെ നിന്നിരുന്ന സ്ത്രീ ധൃതി പിടിച്ചു അവിടെ ഇരുന്നു . എന്നിട്ട് എന്റെ അടുത്ത് നിന്നിരുന്ന ഒരു സ്കൂൾ കുട്ടിയോളം പ്രായമുള്ള അവരുടെ മകളെ വിളിച്ചു ,നിർബന്ധിച്ചു അവിടെ ഇരുത്തിയിട്ട് സ്വയം എൻറെ  അടുത്ത് വന്നു നിലയുറപ്പിച്ചു . എനിക്ക് ഇറങ്ങാൻ ഇനിയും 4-5 സ്റ്റോപ്പുകൾ കൂടി ബാക്കിയുണ്ട് .സാരമില്ല .  "ഇവിടെ ഇരിക്കാം " , ഞാൻ എഴുന്നേറ്റു . ആശ്വാസത്തോടെ അവർ ഇരുന്നു .  തിരിഞ്ഞു നോക്കിയപ്പോൾ കണ്ടു , പ്രകാശത്തിൻറെ  തിര അവരെയും സ്പർശിച്ചിരിക്കുന്നു . ജീവിതത്തിലെ ചെറിയ സുഘങ്ങൾ !

                   പടരട്ടെ ...  പ്രകാശം പടരട്ടെ !

3 comments:

Old Monk said...

Manoranjini, it has been quite sometime that I have been to the Riverside. I did log in a few times in between but was disappointed that you did not post anything new. And now suddenly I see that you have turned to Malayalam for expressing yourself.

Good! I see a potential writer in you. Keep writing so that you develop your skills. By the by, I liked the narration about the bus journey and the way you have connected it with life. Good one!

manoranjini said...

Hola OM ! Good to see you !
I didn't even know that you could understand Malayalam . Thank you so much for the kind comments and please do keep in touch .

Dream India Trip said...

Thanks for sharing your blog admin Ji amazing pictures really very nice you have entered some interesting information; I also describe the tour packages.

Same Day Tour
taj mahal sunrise tour by car
same day taj mahal tour by car
taj mahal overnight tour
Same Day Agra Tour By Gatiman Express
same day delhi tour
delhi to jaipur tour by car

Thanks & best regards
Dream India Trip
booking@dreamindiatrip.com
https://dreamindiatrip.com/